Britta Marakatt-Labba på Samiska museet

Rahpan dii 18:00 gaskavahkku guovvamánu 18.b. 2026.

Rahpanáiggit: Mánnodagas bearjadahkii dii 09:00–15:00

Sámi árgabeaivi ja politihkka, historjjálaš dáhpáhusat ja mytologalaš govahallamat – visot bohtet oktii rámiduvvon dáiddára Britta Marakatt-Labba govvamáilmmis. Dáid gráfalaš govaid vuođđun leat tekstiiladáidagat, maidda son lea oktii sággan iežas vásáhusaid eallimis nuortan dálkkádatroasuin mat čuhcet olles planehtii. Viđa logijagis lea son hábmen beaktilis ja poehtalaš muitalusa áidna dohkkehuvvon eamiálbmoga birra eurohpálaš eananoasis, namalassii sápmelaččaid birra ja sin gižžudeami eatnamiiddiset ja kultuvrraset ovddas.

Marakatt-Labba riegádii 1951:s boazodoallobearrašii Ađevuomis. Son orru ja bargá Badje-Sohpparis, mii nugo Ađevuopmige lea Girona gielddas Ruoŧa bealde Sámis. Su dáidagat leat vuolggahuvvon su mánnávuođas, mii lei guovdu sámi kultuvrra. Unnivuođa rájes lea son duddjodan, go ovdamearkka goarui gávttiid ja iežálágan biktasiid liinnis ja náhkis. Dán áigge son báidná liinniidis ja láiggiidis ieš ja seaguha ođđasit dáidagiin áinnas sággama, deaddilemiid ja applikašuvnnaid seamma govvii.

Marakatt-Labba lea bargan dáiddárin 1970-logu rájes, ja lea ollu váikkuhan Sámi dáiddasuorggi. Dan rájes go beakkihii riikkaidgaskasaččat 2017:s Documenta 14:s Kasselis ja váldočájáhusas Venezia biennálas 2022:s, de lea son ožžon stuorra fuomášumi miehtá máilmmi ja su dáidagat leat dál oassin ollu dáiddačoakkáldagain.

Čájáhus lea ovttasbargu gaskal Girona sámesearvvi, mii jođiha Sámi musea ja Kun dáládáidaga dávvirvuorkká, gos eanet Marakatt-Labba dáidagat vuosehuvvojit.

Láidesteamit

Čájáhusa olis fállá Kin láidestemiid main čiekŋudit ipmárdusa Marakatt-Labba dáiddadoaimmas ja fáttáin.

Láidesteamit leat čuovvovaš beivviid:

Mánnodaga njukčamánu 9.b. dii 10:00

Mánnodaga njukčamánu 23.b. dii 13:00

Mánnodaga cuoŋománu 13.b. dii 10:00

Mánnodaga cuoŋománu 27.b. dii 13:00

Iežá áiggiide várret nuvttá láidesteami sáhtát váldit oktavuođa info@kinmuseum.se Láidestemiid sáhttá oktiiheivehit láidestemiin Sámi museas Samegårdenis. Váldde oktavuođa gunnar.ostman.inga@gmail.com jus áiggut várret.

Samegården lea rabas dii 9:00-15:00 mánnodagas bearjadahkii.

Bild 1: Britta Marakatt-Labba, 67º norr
Bild 2: Britta Marakatt-Labba, Färd genom gryningen