Sápmi—trienaali

4 jyyni – 16 aykysti 2026

Keskipitheessä aivan ensimäisessä Sápmi-trienaalissa oon rikas ja monipuolinen valinta saamelaista nykyaijan taitetta ja duodjia – perintheelistä saamelaista käsityötä. Trienaali kokoaa monen polven taiteilijoita, niinku monenlaista tekniikka ja mallia ilmaista, jokka yhessä antava elävän ja vaihtelevan kuvan saamelaisesta taitheesta tänäpäivänä. Tässä kohtavat eri taiteilijoitten teokset ja duojarat eri puolilta saamelaisaluetta, missä teemat perintheestä, itenttiteetistä ja kuuluvuuesta kuothaan yhtheen kertomuksitten kansa nykyaijan haasteitten ja elämänehoitten kansa.

Sápmi-trienaali oon yhteistyön tulos seittemän orkanisašuunin välilä Sápmin sisälä ja sen ulkopuolela. Aukean haun tuloksena syksylä 2023, tuli nuin 100 hakua, joista 28 taiteilijaa oon valittu matkhaan. Näyttely sisältää monenlaista mallia ilmaista, duodjista ja maalauksista viitehoin, instalašuuhniin, valokuhviin, tekstiihliin, tšeramiikhiin, äänitteokshiin ja literatyyhriin.

Matkassa oon: Anna-Stina Svakko, Charlotte Nilsen, Christin Løkke, Eiril Linge, Elina Waage Mikalsen, Eva Kitok, Geir Tore Holm & Søssa Jørgensen, Gjert Rognli, Gunvor Guttorm, Hanne Grieg Hermansen, Hans Ragnar Mathisen, Helena Lagerqvist Kuoljok, Helmi Aletta Hagelin & Nuura Naboulsi, Inga-Wiktoria Påve, Inger Blix Kvammen, Jorunn Løkvold, Jouni S. Laiti, Kirsi Paltto, Katarina Spik Skum, Maarit Magga, Matti Aikio, Monica L. Edmondson, Odd Marakatt Sivertsen, Reetta Tornensis, Susanne Ewerlöf och Tilde-Ristin Kuoljok.

Jyrryssä oli matkassa kolme johtokunnan taiteilijaeustajaa Sámi Dáiddaguovddáš SDG;stä (Saamelainen keskus nykyaijan taitheele), inttentäntti Ulla Viitanen Rovaniemen taitemyseymmistä ja Kin;in johtaja Maria Lind. Näyttely oon koottu kokhoon yhteistyössä Kin;in, Dáiddaguovddáš (SDG)/Sami Center for Contemporary Art (Kárásjohka/Karasjok), Rovaniemen taitemyseymmin (Roavvenjárga/Rovaniemi), Nordlandmyseymmin & Bodö 2024 (Bådåddjo/Bodö Konstmuseum26) Ja Oulun Taitemyseymmin välilä. Trienaali vihithiin matkhaan Bådåddjossa aykystissä 2024, jonka jälkhiin se oon näytetty Karasjoessa, Rovaniemessä ja Oulussa. Se kuuluu Kin;in teemattisheen monivuotishiin lankhoin Kriittinen piiri ja Käsi, syän ja aivot.

Bild 1: Reetta Tornensis: Ále jávohuva / Don’t be silent 2022
Bild 2: Susanne Ewerlöf: Hej Karin
Bild 3: Matti Aikio
Bild 4: The Braid, 2023 av Monica L Edmondson
Bild 5: Kirsi Maret Paltto Jávkatgo mii? : Do we disappear? 2023.
Bild 6: sápmi-trienal-karasjok