Sápmi—triennála

Geassemánu 4. b. –borgemánu 16. b. 2026

Váibmosis vuosttaš Sápmi-triennálas lea beaktilis ja girjás čoakkáldat sámi dáládáidagiin ja árbevirolaš sámi dujiin. Triennála čohkke máŋgga buolvva dáiddáriid ja áibbas iešguđetlágan bargovugiid ja buktosiid, mat addet ealli ja máŋggabeallásaš gova otnábeaivvi sámi dáidagis. Dás gávnnadit miehtá Sámi dáiddáriid ja duojáriid dáidagat, main fáttát guoskevaččat árbevieruide, identitehtii ja gullevašvuhtii gođđojuvvojit oktii dálá áiggi hástalusaid ja eallineavttuid govvidemiiguin.

Sápmi-Triennála lea boađus ovttasdoaibmamis gaskal čieža organisašuvnna, sihke Sámi siskkobeale ja olggobeale. Maŋŋel rabas almmuhusa 2023 čavčča, masa bohte birrasiid 100 ohcamuša, válljejuvvojedje 28 dáiddára. Čájáhus leahkasta girjáivuođa duoji ja njuohtama rájes video, installašuvnna, fotografiija, tekstiilla, keramihka, jietnadáidaga ja girjjálašvuođa rádjái.

Oasálaččat: Anna-Stina Svakko, Charlotte Nilsen, Christin Løkke, Eiril Linge, Elina Waage Mikalsen, Eva Kitok, Geir Tore Holm & Søssa Jørgensen, Gjert Rognli, Gunvor Guttorm, Hanne Grieg Hermansen, Hans Ragnar Mathisen, Helena Lagerqvist Kuoljok, Helmi Aletta Hagelin & Nuura Naboulsi, Inga-Wiktoria Påve, Inger Blix Kvammen, Jorunn Løkvold, Jouni S. Laiti, Kirsi Paltto, Katarina Spik Skum, Maarit Magga, Matti Aikio, Monica L. Edmondson, Odd Marakatt Sivertsen, Reetta Tornensis, Susanne Ewerlöf ja Tilde-Ristin Kuoljok.

Jurys ledje golbma dáiddárovddasteaddji Sámi Dáiddaguovddáš SDG stivrras ovttas Roavvenjárgga dáiddamusea intendeanttain Ulla Viitaneniin ja Kin jođiheddjiin Maria Lindain. Čájáhus lea albmanan ovttasbarggus gaskal Kin, Dáiddaguovddáža (SDG)/Sami Center for Contemporary Art (Kárášjohka), Roavvenjárgga dáiddamusea, Nordlandsmuseet & Bodø2024 (Bådåddjo/Bodø Konstmuseum26) ja Oulu2026 ja Oulu dáiddamusea.

Triennála čájehuvvui vuohččan Bådådjos borgemánus 2024 ja dan maŋŋel lea čájehuvvon Kárášjogas, Roavvenjárggas ja Uleåborgas. Dát lea oassin Kin Váttis avádat ja Giehta, váibmu ja jierbmi nammasaš máŋggaid* jagi temáhtalaš bálgáin.

Bild 1: Reetta Tornensis: Ále jávohuva / Don’t be silent 2022
Bild 2: Susanne Ewerlöf: Hej Karin
Bild 3: Matti Aikio
Bild 4: The Braid, 2023 av Monica L Edmondson
Bild 5: Kirsi Maret Paltto Jávkatgo mii? : Do we disappear? 2023.
Bild 6: sápmi-trienal-karasjok